Turi-Turian

Ompu Pultak Raja Margelar Ompu Tuan Singal Dohot Anakna Natolui, Sada Boruna

SIMARMATA.or.id – Lam simbur magodang ma si Pultak Raja na pinarmudu-mudu ni Ompu Boru Malau. Lam balga ma dagingna jala matoras ma nang parrohaonna. Denggan muse do marpangalaho na sai tongtong manjalo ajar dohot poda sian Ompunta Boru.

Tangkas muse do Pultak Raja diajari asa lam diantusi taringot tu paradaton dohot uhum na masa di halak Batak. Ingkon tangkas somba marhula-hula, manat mardongan tubu, huhat muse elek marboru jala mangulahon dame dohot ruhut na masihaholongan maradophon saluhut dongan jolma. Bagas do i diparrohahon si Pultak Raja marhite angka pangalahona siganup ari di bagasan ngoluna.

Dung matoras dagingna jala tang umurna magodang disuru Ompunta Boru ma ibana asa hot mardongan saripe mangalap boru Limbong Sihole boru ni Raja i marga Limbong Sihole sian Limbong.

Di hagogok ni tingkina dibasa-basahon Tuhanta ma di Ompunta si Pultak Raja tolu halak baoa dohot sahalak boruna. Goar-goar ni anakna i:

  1. Ompu Tuan Ijuk na mangalap boru Manurung sian Sihotang.
  2. Ompu Tuan Rudang mangalap boru Butarbutar sian Sigaol.
  3. Ompu Tuan Sibodil mangalap boru Sinaga sian Urat
  4. Boru na sahalak i didok barita muli do tu marga Sinaga Bonor.

Angka na burju be do angka Ompunta on mangula angka ulaonna be. Jadi hatop do nasida gabe jala mamora di tonga-tonga ni bagasna be. Godang do artana godang muse do nang angka pinahanna be, isara horbo, lombu nang hoda pe na manjampal di angka ladang na bidang i di luat Simarmata.

  • Ompu Tuan Ijuk dipungka hutana margoar Lumban Dorpi.
  • Ompu Tuan Ruang dipungka ma hutana margoar Lumban Batu.
  • Ompu Tuan Sibodil dipungka ma hutana margoar Lumban Huta Gorat.

Dung maringanan nasida di angka huta na pinungkana i jumpang do nasida torop ni angka pinompar na marsangap jala na martua. Dapot do nang sigabe ni na niula jala sinur ni angka na pinahan dohot hatoropon di hajolmaon.

Janner Simarmata

Dr. Janner Simarmata, S.T., M.Kom. (C.SP., C.BMC., C.DMP., C.PI., C.PKIR., C.SF., C.PDM., C.SEM., C.COM., C.SI., C.SY., C.STMI INT'l., CBPA., C.WI.) Humas DPP Punguan Pomparan Ompu Simataraja Raja Simarmata Dohot Boruna Se Indonesia, di mana sebelumnya adalah Ketua Bidang Infokom DPP diperiode kepengurusan tahun 2008-2012, 2012-2016 dan 2016-2023. Dia juga yang mengelola website SIMARMATA.OR.ID sejak tahun 2008-2022, kini diangkat menjadi Dewan Pakar DPP.

Artikel terkait

Back to top button